စစ်ဖိနပ်မစီးသောတောထဲကကျား
အချိန်ကား ၁၉၈၂ ခုနှစ် ရှမ်းပြည်တောင်ပိုင်း က လေးမာန်အောင်စစ်ဆင်ရေး ကာလ-
ပင်လောင်းစစ်ဗျူဟာအုပ်ချုပ်မှုအပိုင် ပီကင်းရွာကြီးအနီး စခန်းချနေသော စစ်ကြောင်း(၂)စစ်ကြောင်းမှုး ဗိုလ်မှူး စိုးအောင် ဦးစီးသည့် ခလရ(၉၀) စစ်ကြောင်းရုံးသို့ ပီကင်းရွာသူကြီး နှင့်ကျောင်းဆရာ တို့နှစ်ဦး
ရောက်လာပြီး“ “ ဗိုလ်မှူးကြီး ညတုန်းက ကျနော့်ရွာလယ်က ခွန်ကြီးတို့အိမ်မှာမွေးထားတဲ့ ၀က်မကြီး
တစ်ကောင်ပျောက်သွားတယ် အဲဒါ ဗိုလ်မှူးရဲ့ရဲဘော်တွေကိုမေးကြည့်ပေးပါ ”” လို့ပြောတဲ့စကားအဆုံးမှာ
မကြာသေးခင်နာရီပိုင်းကမှ ဆရာကြီးခင်သန်းကိုယ်တိုင် မော်လမြိုင်ချက် ချက်ထားတဲ့ ၀က်ကလီဇာဟင်း၊
ဆရာဇော်ပိုင်ချက်ထားတဲ့ ၀က်သားနီချက် နှစ်မျိုးကိုစားထားပြီးဖြစ်နေတဲ့ ဗိုလ်မှူးစိုးအောင်က
ခွဲ(၁)တပ်ခွဲမှူး ဗိုလ်ကြီး မောင်မောင်တင့် ကိုကြည့်ပြီး ““ကဲ ကိုယ့်ညီ ရဲဘော်တွေကို
မေးကြည့်လိုက်ပါဦး ”” ဟုခပ်ပြုံးပြုံးလေးပြောလိုက်သည်။
ဝက်သားဟင်း ကိုသူကိုယ်တိုင်လဲ ဗိုလ်မှူးနှင့်အတူစားပြီးနေပြီဖြစ်တဲ့ ဗိုလ်ကြီးမောင်မောင်တင့်က
““ သူကြီးရယ် တောထဲတောင်ထဲမှာ ကျားဆွဲတာရောမဖြစ်နှိုင်ဘူးလား ကျနော်တို့တပ်မတော်သားတွေဆိုတာ ပြည်သူ့ပစ္စည်း ကို ပိုင်ရှင်မသိဘဲ ဘယ်တော့မှယူလို့မရပါဘူး ယူရင်လဲ တပ်မတော်ဥပဒေအရ
ထိရောက်စွာ အရေးယူဆောင်ရွက်ရပါတယ် ”” လို့ခပ်တည်တည်ပြန်ပြောလိုက်သည်။
ထိုအခါ ရွာလယ်ပိုင်းမှာနေတဲ့ ခွန်းကြီးအိမ်အောက် ၀က်ခြံ ထဲက စစ်ဖိနပ်ခြေရာတွေကိုမြင်ခဲ့ကြ
ပြီးဖြစ်တဲ့ ရွာသူကြီးနှင့် ကျောင်းဆရာ တို့နှစ်ဦး ပြိုင်တူ ပြောလိုက်တဲ့စကားကတော့……..
““ တောထဲက ကျားကတော့ စစ်တပ်ကစီးနေတဲ့ တောစီးဖိနပ်မစီးပါဘူး ဗိုလ်မှူးရယ်””.....တဲ့ဗျာ။။
တပ်မတော်တွင်းကဖြစ်ရပ်မှန်ဟာသများကိုဆက်လက်ဖေါ်ပြပါဦးမည်
စောင့်မျှော်ဖတ်ရှုကြပါ။
ပျိုးခင်းစာဖတ်ပရိတ်သတ်အားအစဉ်လေးစားလျှက်
မြန်မာ့စစ်ရေးလေ့လာသူ(ကိုတိကျ)
No comments:
Post a Comment