ကုလသမဂ္ဂ အဖွဲ့ကြီးနှင့် နိုင်ငံတကာစေတနာရှင်များက မြန်မာနိုင်ငံအတွင်းရှိပြည်သူများ
အတွက်-တီဘီရောဂါတိုက်ဖျက်ရေး၊ငှက်ဖျားရောဂါတိုက်ဖျက်ရေး၊အေအိုင်ဒီအက်စ်ရောဂါ
တိုက်ဖျက်ရေး၊နာဂစ်မုန်တိုင်းသင့်ဒေသပြန်လည်ထူထောင်ရေး၊စာသင်ကျောင်းများပြန်လည်
တည်ဆောက်ရေး၊ပြည်သူတွေအမိုးအကာအောက်ရောက်ရှိရေး၊စီးပွါးရေးပြန်လည်ထူထောင်ရေး
အတွက်အကူအညီပေးရေး၊ကရင်ပြည်နယ်တွင်းတိုက်ပွဲများကြောင့်ထွက်ပြေးတိမ်းရှောင်သူစစ်ဘေးသင့်
ပြည်သူများအကူအညီပေးရေး၊ချင်းပြည်နယ်အတွင်းကြွက်များသောင်းကျန်း၍အငတ်ဘေးသင့်
ပြည်သူများအားအကူအညီပေးရေး၊အစရှိတဲ့အရေးပေါင်းများစွာအပြင်ရာသီအလိုက်ဖြစ်ပွါးလေ့ရှိတဲ့ ဝမ်းပျက်ဝမ်းလျှော၊သွေးလွန်တုပ်ကွေးရောဂါနှစ်ရှည်စီမံချက်ချပြီးဆောင်ရွက်ပေးနေရတဲ့ ပိုလီယိုအကြောသေရောဂါကာကွယ်ဆေးထိုး ဆေးတိုက်ရေးမွေးကင်းစကလေးငယ်များ
အသေအပျောက်နည်းရေးအတွက် မိခင်လောင်းများအားမေးခိုင်ကာကွယ်ဆေးထိုးဆောင်ရွက်ပေးရေး၊
အစရှိတဲ့ အရေးပေါင်းများစွာကိုနိုင်ငံတကာမှလှူဒါန်းကူညီပေးနေကြတာကိုမြန်မာနိုင်ငံသား
တစ်ဦးအနေဖြင့် နိုင်ငံတကာမိသားစုများအားအထူးကျေးဇူးတင်ကြောင်းပြောချင်ပါတယ်။
ဒါ့အပြင်ကျနော်ပြောချင်တာက ကျနော်တို့မြန်မာပြည်တွင်းမှာ မိန်းကလေးတွေ အလိုမတူဘဲအဓမ္မပြုကျင့်ခံရမှုများ၊ညအချိန် အာဏာပိုင်တွေရဲ့ဖမ်းဆီးခြင်းခံရပြီးလူတွေ
ပျောက်ဆုံးနေမှုများ၊အရွယ်မရောက်သေးတဲ့ကလေးငယ်တွေကိုအဓမ္မဖမ်းဆီးပြီးအတင်းအကြပ်
စစ်မှုထမ်းခိုင်းနေမှုများ၊ဘာသာရေးဖိနှိပ်ခံနေရမှုများ၊နိုင်ငံရေးအရနှိပ်စက်ညှဉ်းပန်းခံရခြင်း
ထောင်နှစ်ရှည်ချခြင်း စီးပွါးရေးနှိပ်ကွပ်မှုများပြုလုပ်နေခြင်း၊အလုပ်အကိုင်ရှားပါးလာ၍
ဆင်းရဲမွဲတေမှုများတိုးပွါးနေပြီးအိမ်နီးချင်းတိုင်းပြည်များသို့တရားဝင်ရောတရားမဝင်ပါသွားရောက်အလုပ်
လုပ်ကိုင်နေကြရခြင်း၊အမျိုမျိုးသောလူ့အခွင့်အရေးချိုးဖေါက်မှုများခံနေကြရခြင်း၊တိုင်းပြည်
အတွင်းအကျင့်ပျက်ချစားမှုများတရားဝင်ကဲ့သို့ဖြစ်ပေါ်လာနေခြင်း၊နိုင်ငံတော်ရဲ့အဓိကကျတဲ့
သမိုင်းကြောင်းတွေကိုဖျောက်ဖျက်ခံနေကြရခြင်း၊ပြည်တွင်းစစ်ဘေးဒဏ်ကြောင့်ထွက်ပြေးတိမ်းရှောင်
နေကြရခြင်း အစရှိသောပြဿနာပေါင်းများစွာတို့လဲရှိနေပါသေးသည်။
ကုလသမဂ္ဂအပါအဝင်နိုင်ငံတကာရဲ့ငွေကြေးအကူအညီများသည်-
မြန်မာပြည်တွင်းကပြဿနာတွေထဲကတစိတ်တပိုင်းကိုတောင်အကူအညီလုံလောက်မှုမရှိသလို
စစ်အစိုးရအားစီးပွါးရေးပိတ်ဆို့ခြင်း၊သံတမန်ရေးနည်းလမ်းများဖြင့်ချဉ်းကပ်ခြင်းတို့သည်လည်း
ဘာမှထူးခြားမှုမရရှိခဲ့ပါ။
ထို့အပြင်ကုလသမဂ္ဂ အတွင်းရေးမှူး ဘန်ကီမွန်းရဲ့ ဆောင်ရွက်ချက်တွေသည်
မြန်မာပြည်သူတွေ(ဆန္ဒအမှန်)ဖြစ်တဲ့လိုအပ်ချက်တွေနှင့်ဆန့်ကျင်နေတာကိုလဲတွေ့ရပါတယ်၊
အဲဒါကတော့ မြန်မာပြည်သူတွေရဲ့အဓိကလိုအပ်ချက်ဆန္ဒအမှန်ဖြစ်တဲ့၁၉၉၀ခုနှစ်
ရွေးကောက်ပွဲရလဒ်ကိုပစ်ပယ်ပြီး ၂၀၁၀ရွေးကောက်ပွဲကျင်ပရေးအတွက်
စစ်အစိုးရနဲ့ဆွေးနွေးနေလို့ပါဘဲ။
ကုလသမဂ္ဂ အတွင်းရေးမှူး ဘန်ကီမွန်း ကိုမေးချင်ပါတယ် ယခင်ကုလသမဂ္ဂ အထွေထွေ
ညီလာခံများမှာအသိအမှတ်ပြုခဲ့တဲ့၁၉၉၀ရွေးကောက်ပွဲရလဒ်ကို အကောင်အထည်ဖေါ်ရန်
ဆွေးနွေးခြင်းမရှိဘဲ၂၀၁၀ရွေးကောက်ပွဲလုပ်မယ်လို့ဆိုတဲ့စစ်အစိုးရရဲ့အဆိုကိုလိုက်လျှော
ဆွေးနွေးတာ ဘာအကြောင်းပြချက်ကြောင့်ပါလဲ၊အဲဒီ၂၀၁၀ရွေးကောက်ပွဲရလဒ်ကိုရော
ဘယ်သူကအာမခံချက်ပေးမှာလဲ၊၂၀၁၀ရွေးကောက်ပွဲရဲ့ရလဒ်ကိုစစ်ခေါင်းဆောင်ကြီးတွေက
သဘောမကျဘူးဆိုရင်ရောနောက်တက်လာမယ့်စစ်ခေါင်းဆောင်အသစ်အလိုကျရွေးကောက်ပွဲ
အသစ်တစ်ထပ်လုပ်ဖို့ကုလသမဂ္ဂ အနေဖြင့် ဆွေးနွေးဦးမှာလား၊ မြန်မာနိုင်ငံရဲ့ပြည်သူတစ်ရပ်လုံးက
၈၂% ကျော်မဲဆန္ဒပေးထားတဲ့အဓိကပါတီကြီးရဲ့တွေ့ဆုံဆွေးနွေးအဖြေရှာရေး၊
အခြေခံဥပဒေပြန်လည်ပြင်ဆင်ရေး ဆိုတဲ့သဘောထားကိုလဲ အရေးယူဆွေးနွေးရန်မလိုအပ်ဟု
ယူဆထားပါသလား လို့ပါ။
အမှန်တကယ်မြန်မာ့အရေးကိစ္စမှာအဓိကကျတာက
ပြည်သူလူထုကရွေးချယ်တင်မြှောက်ထားတဲ့လူထုကိုယ်စားလှယ်တော်များမပါဝင်ဘဲ
စစ်ခေါင်းဆောင်များအလိုကျရေးဆွဲထားတဲ့ဖွဲ့စည်ပုံအခြေခံဥပဒေကိုအသုံးပြုပြီးကျင်းပမည့်
၂၀၁၀ရွေးကောက်ပွဲလုပ်ဖို့မဟုတ်ပါဘူး၊
ကုလသမဂ္ဂကဦးဆောင်ပြီးလက်ရှိစစ်ခေါင်းဆောင်တွေ၊ဒေါ်အောင်ဆန်းစုကြည်ဦးဆောင်တဲ့
အတိုက်အခံအင်အားစုကိုယ်စားလှယ်တွေနှင့်တိုင်းရင်းသားကိုယ်စားလှယ်တွေ
မျက်နှာချင်းဆိုင်တွေ့ဆုံဆွေးနွေးရေးကိစ္စပါ။
အဲဒီဆွေးနွေးပွဲ ကမှ ပြည်တွင်းစစ်ကင်းဝေးပြီး လူ့အခွင့်အရေးများကိုအာမခံချက်ပေးနှိုင်မယ့်
စစ်မှန်တဲ့ ဖက်ဒရယ်ပြည်ထောင်စုထူထောင်ရေးဆီဦးတည်သွားနှိုင်မှာဖြစ်တယ်လို့
တင်ပြလိုက်ပါတယ်။
( ကိုပါကြီး)
၁၅-၇-၀၉
တို့တာဝန်အရေး(၃)ပါး
(၁) စစ်မှန်သောတွေ့ဆုံဆွေးနွေးအဖြေရှာရေး (တို့အရေး)
(၂) ဖွဲ့စည်ပုံအခြေခံဥပဒေပြင်ဆင်ရေးဆွဲရေး (တို့အရေး)
(၃) စစ်မှန်တဲ့ဖက်ဒရယ်ပြည်ထောင်စုထူထောင်ရေး (တို့အရေး)
ပြည်သူ့သဘောထား
ပြည်သူလူထုတစ်ရပ်လုံး၏အနာဂတ်ရောင်ခြည်ကို ဗီဒို အာဏာစွဲကိုင်ပိတ်ပင်နေသည့်
တရုပ်အစိုးရအား ဘုံရန်သူအဖြစ်သတ်မှတ်ကြ။
No comments:
Post a Comment